མཉེན་ཆས་ཀུན་གསལ་མེ་ལོང་ངོ་སྤྲོད་རགས་བསྡུས།

ཀུན་གསལ་མེ་ལོང་གི་ཁྱད་ཆོས་འགའ་ཞིག་མཐོང་བ་ནི་འདི་ལྟ་སྟེ།

  དེ་ཡང་ཀུན་གསལ་མེ་ལོང་ནང་ད་སྐབས་བཞག་ཡོད་པ་ནི་འཇང་བཀའ་འགྱུར། སྡེ་དགེ་བཀའ་འགྱུར། སྡེ་དགེ་བསྟན་འགྱུར་ལས་སེམས་ཙམ་ཡན། དྭགས་པོའི་བཀའ་འབུམ། ཙོང་ཁ་པའི་བཀའ་འབུམ།  གོ་རམས་བཀའ་འབུམ། ཀརྨ་པ་མི་བསྐྱོད་རྡོ་རྗེའི་བཀའ་འབུམ་ལས་པོད་ཆེན་བཞིའི་འགྲེལ་བ། མི་ཕམ་བཀའ་འབུམ་བཅས་སོ།།

    འབྱུང་འགྱུར་ཁུ་རེ་བཀའ་འགྱུར། ཅོ་ནེ་བཀའ་འགྱུར། ཐེམ་སྤངས་མའི་བཀའ་འགྱུར། པེ་ཅིན་བཀའ་འགྱུར། སྒར་ཆེན་བཀའ་འགྱུར། རྒྱའི་བཀའ་འགྱུར། ལྷ་ས་བཀའ་འགྱུར། སྣར་ཐང་བཀའ་འགྱུར་བཀའ་འགྱུར་སྐོར་དང་།   སྡེ་དགེ་བསྟན་འགྱུར་སེམས་ཙམ་མན། སྣར་ཐང་བསྟན་འགྱུར། ཅོ་ནེ་བསྟན་འགྱུར། པེ་ཅིན་བསྟན་འགྱུར་བཅས་བསྟན་འགྱུར་སྐོར་དང་།

    བོད་གངས་ཅན་ལྗོངས་ཀྱི་སྒྲུབ་བརྒྱུད་ཤིང་རྟ་མཆེད་བརྒྱད་དང་མེས་པོའི་ཆོས་བརྒྱུད་གཡུང་དྲུང་བོན་གྱི་བསྟན་འཛིན་སྐྱེས་མཆོག་རྣམས་ཀྱི་གསུང་རབ་གཞན་རྣམས་རིམ་བཞིན་འཇོག་ཡོང་བ་ཡིན་འདུག་ལ། གཞག་རིམ་བཞིན་རང་ཤུགས་ཀྱིས་སོ་སོའི་ཀུན་གསལ་མེ་ལོང་སྙི་ཆས་ནང་དུ་ཐོན་ཡོང་བ་ཞིག་ཡིན་འདུག

   དེ་ཡང་ཀུན་གསལ་མེ་ལོང་སྙི་ཆས་ནས་བཀའ་བསྟན་འགྱུར་བཀའ་འབུམ་བཅས་ལས་གང་ཞིག་ནས་གསུང་རབ་གང་ཞིག་དང་གསུང་རབ་དེའི་ལུང་ཚིག་གང་གང་ཞིག་གང་འཚོལ་དགོས་རུང་ལས་སླ་བོར་འཚོལ་ཐུབ་ཅིང་། དེ་ཡང་འཚོལ་ཐེངས་གཅིག་གིས་བཀའ་བསྟན་ཡོངས་རྫོགས་ལས་འཚོལ་ཐུབ་པ་དང་། ཡང་ན་རང་གི་འདོད་མོས་ལྟར་བཀའ་བསྟན་དང་བཀའ་འབུམ། དེ་དག་ལས་པོད་གཅིག་ཙམ་དང་པོད་གཅིག་གི་ལེ་ཚན་གཅིག་ཙམ་བྱེད་ནས་གདམ་གསེས་ཀྱིས་འཚོལ་ཐུབ་པ།

    ཀུན་གསལ་མེ་ལོང་སྙི་ཆས་ལས་བཀའ་བསྟན་གང་ཞིག་གི་ལུང་ཚིག་གང་ཞིག་འཚོལ་དགོས་རུང་སྤྱིར་བཏང་གི་འཕྲུལ་དེབ་ཆེ་བ་ཞིག་ལས་ཀྱང་མྱུར་བར་བཙལ་འཚོལ་ཐུབ་པ།

    ཀུན་གསལ་མེ་ལོང་སྙི་ཆས་དུ་ཡོད་པའི་གསུང་རབས་རྣམ་རང་མོས་ཀྱིས་ཕབ་ལེན་ཆོག་ལ། ཕབ་ཚར་རྗེས་དྲྭ་མེད་ཀྱང་ལྟ་ཀློག་དང་བཙལ་འཚོལ་ཐུབ་པ།

    ཀུན་གསལ་མེ་ལོང་སྙི་ཆས་ནང་ཡོད་པའི་གསུང་རབ་རྣམས་ཀློག་སྐབས་དོ་རྣམས་ཟུར་དུ་ཟིན་ཐོར་འདེབས་ས་ས་དམིགས་བཟོས་འདུག་ཅིང་། ཀུན་གསལ་མེ་ལོང་སྙི་ཆས་ནང་ཐོ་འགོད་བྱས་ན་ཁ་པར་བོར་རླགས་ཕྱིན་ཀྱང་སྔར་ཟིན་བྲིས་བོར་རླག་ཏུ་ཤོར་མི་འགྲོ་བ།

    ཀུན་གསལ་མེ་ལོང་སྙི་ཆས་ནང་དུ་ཡོད་པའི་པོ་ཏི་རྣམས་བླུ་དགོས་ཚེ་སྒོར་མོ་ཁྲི་ཚོ་དུ་མ་དགོས་ཤིང་། གལ་ཏེ་བླུས་ཀྱང་ལུང་ཚིག་རྣམས་རང་གིས་འཚོལ་འདོད་པ་ལྟར་འཚོལ་མི་ནུས་ཤིང་རྙེད་དཀའ་བས་ཤོག་ཐོག་ཏུ་དཔར་བའི་བཀའ་བསྟན་གྱི་པོ་ཏི་དེ་དག་ལས་ཀྱང་མཁོ་གལ་ཆེ་ཞིང་། སྙི་ཆས་འདིའི་ཆེད་རྒྱུ་ཚེགས་ཀྱིས་འགྲོ་སོང་གཏོས་ཆེ་བ་གཏོང་ཡོད་ཀྱང་དེ་དག་གི་རིན་ཟུར་ཙམ་མ་བླངས་པར་རིན་མེད་ཀྱིས་ཆོས་སྦྱིན་དུ་བསྩལ་བ།

    ཀུན་གསལ་མེ་ལོང་སྙི་ཆས་འདི་བོད་རྒྱ་དབྱིན་གསུམ་གྱི་ཡི་གེ་གང་འདོད་ལྟར་བརྗེ་བསྒྱུར་ཆོག་པ།

    ཀུན་གསལ་མེ་ལོང་སྙི་ཆས་ནང་ཡོད་པའི་གསུང་རབ་རྣམས་རང་འདོད་ལྟར་བཤུས་ནས་གཞན་ལ་སྤེལ་བ་ལ་དང་རང་གིས་ཉར་ཚགས་བཟོ་ཆོག་པ།