བོད་ཡིག་ཅན་གྱི་Photoshopདྲ་ཐོག་པར་གཞིPhotopea

བོད་ཡིག་ཅན་གྱི་Photoshopདྲ་ཐོག་པར་གཞིPhotopea_ངོ་སྤྲོད།

Photopea.com ཟེར་བའི་དྲ་གནས་འདི་ནི་དྲ་ཐོག་པར་བཟོའི་མཉེན་ཆས་ཤིག་ཡིན་པ་དང་། ལས་ཀ་བྱེད་པའི་སྐབས photoshop ནང་བྱས་པ་དང་གཅིག་མཚུངས་འདུག ། བདུན་ཕྲག་གཅིག་ཙམ་སྔོན་ཚོད་ལྟ་བྱས་པའི་སྐབས་པར་བཟོའི་ལས་ཀ་སྟབས་པོ་ཡོང་ཐུབ་པ་དང། photoshop སྦྱོང་མཁན་དང་བེད་སྤྱོད་བྱེད་མཁན་རྣམས་ལ་ཧ་ཅང་ཕན་ཐོགས་ཆེན་པོ་ཞིག་ཏུ་མཐོང་། མཉེན་ཆས་འདིས་ PSD, PDF དེ་བཞིན་པར་རིགས་ཀྱི་ཡིག་ཆ་སྣ་ཚོགས་ཁ་ཕྱེ་ཐུབ་པ་དང་བཟོ་སྒྲིག་བྱེད་ཐུབ། Photoshop ནང་ཡོད་པའི་ལག་ཆ་དང layer, effects, blend mode, Mask, Filter སོགས་གལ་ཆེའི་ལག་ཆ་དེ་དག་ཀྱང་ལྡན་འདུག

མཉེན་ཆས་འདིས་དེ་སྔོན་པར་བཟོ་གཞི་ཅི་རིགས་ཐུབ་མོད་འོན་ཀྱང་བོད་ཡིག་གཏགས་སྐབས་བོད་ཡིག་མི་འཆར་བ་དང་། འཆར་ཡང་བརྩེགས་འདོག་ལེགས་པོ་མི་ཡོང་བ་སོགས་ཀྱི་དཀའ་ངལ་འདུག ། དེར་བརྟེན་རྒན་བསོད་ནམས་ཟླ་བ་མཆོག་གིས་དྲ་ཚིགས་འདི་བཟོ་མཁན་དང་གློག་འཕྲིན་བརྒྱུད་འབྲེལ་བ་ཐེངས་མང་བྱས་ནས་ད་ཆ་བོད་ཡིག་ལ་ཕྱོགས་ཡོངས་ནས་རྒྱབ་སྐྱོར་ཐོབ་པ་བྱུང་།

མཉེན་ཆས་དེའི་དམིགས་བསལ་ཁྱད་ཆོས་ནི་རིན་མེད་དུ་སྤྱོད་ཆོག་པ་དང་། གློག་ཀླད་ནང་སྒྲིག་འཇུག་དམིགས་བསལ་བྱེད་མི་དགོས། ཁྱེད་ལ་དགོས་པ་ནི་དྲ་ཚིགས་བལྟ་སའི་དྲ་མྱུལ་མཉེན་ཆས Chrome དང་དེ་ནས་དྲ་རྒྱ་ཡོད་ན་འགྲིག །ཁྱེད་ཀྱིས་དྲ་ཚིགས་ཁ་བྱང www.photopea.com བཀོལ་ནས་གཟིགས་དང་མཉེན་ཆས་དེ་ཐད་ཀར་སོ་སོའི་གློག་ཀླད་ཀྱི་ངོས་དང་། ཁ་པར། དེ་བཞིན་ipadཡི་ངོས་སུ་འཆར་ཐུབ།