བོད་ཀྱི་སྲོལ་རྒྱུན་ཐ་སྙད་རིས་འགྲེལ་མིང་མཛོད་མཉེན་ཆས།

བོད་ཀྱི་སྲོལ་རྒྱུན་ཐ་སྙད་རིས་འགྲེལ་མིང་མཛོད་མཉེན་ཆས། _ངོ་སྤྲོད།

སྲོལ་རྒྱུན་ཐ་སྙད་རིས་འགྲེལ་མིང་མཛོད་ཅེས་པ་འདི་ནི་དང་མ་ནས་བྱུང་བའི་ཐ་སྙད་མང་པོ་ཞིག་ངག་ཐོག་དང་སྐད་ཐོག་ན་ཇི་ལྟར་གནས་པ་དེ་ལྟར་ཡི་གེ་ལ་ཕབ་ནས་བཟོས་པ་ཞིག་སྟེ། འབྲོག་དང་རོང་དང་སྤྱིའི་ཐ་སྙད་ཀྱི་ཚན་པ་ཆེན་པོ་གསུམ་ལ། ནང་ཚན་ཆུ་ངུ ༣༧ དུ་ཕྱེས་ཤིང་། ཐ་སྙད ༢༥༤༩ དང་། པར། ༡༢༡༢ ཀྱིས་གྲུབ་ཡོད། དེ་ཡང་བོད་ཀྱི་ལྗོངས་འདིེ་ཡུལ་གྲུ་རྒྱ་ཆེ་ཞིང་ཡུལ་སྐད་ཀྱི་རྣམ་གྲངས་མང་བས་རེ་རེ་ནས་འདྲི་རྔོ་མ་ཐོགས་པ་དང་། དུས་ཀྱི་འཕོ་འགྱུར་གྱི་དབང་གིས་སྲོལ་རྒྱུན་གྱི་དངོས་པོ་མང་པོ་ཞིག་བེད་སྤྱོད་ཀྱི་ཡུལ་ལས་རིང་དུ་ཕྱིན་པ་སོགས་རྒྱུ་མཚན་དུ་མ་ཞིག་གིས། ཞིབ་ཅིང་ཕྲ་བའི་ངག་ཐོག་གི་ཐ་སྙད་དག་ཡོངས་སུ་བསྡུ་མ་ནུས་པར་ལུས་ཡོད་ངེས་མོད། འདིར་པར་ལ་མ་འཁོད་པའི་ཐ་སྙད་དམ། འཁོད་ཟིན་པའི་ཐ་སྙད་དག་གི་སྐད་དོད་འབྲི་སྟངས་སམ། ཡང་ན་འདི་ལྟར་འཁོད་དུ་རུང་བའི་ཐ་སྙད་ཀྱི་པར་དང་བཅས་པ་གང་ཡོད་དངོས་ཤུགས་གང་རུང་གིས་འདི་གར་འཕྲོད་ཐུབ་པ་བྱུང་ན། རྗེས་ལ་སྨད་ཆ་རྩོམ་སྒྲིག་བྱེད་པའི་སྐབས་སུ་འཐུས་ཇེ་ཚང་དང་ཕུན་སུམ་ཇེ་ཚོགས་སུ་འགྲོ་ངེས།