ཁྱུང་པོའི་ཁྲ་ཆེ་ཆུང་ཡིག་མཛོད།

ཁྱུང་པོའི་ཁྲ་ཆེ་ཆུང་ཡིག་མཛོད།_ངོ་སྤྲོད།

ཉེ་ཆར་བོད་ལྗོངས་ཁྱུང་པོ་སྟེང་ཆེན་དགོན་དུ་ཞང་ཞུང་སྒོ་བའི་ཁྲ་ཆུང་དང་ཞང་ཞུང་སྒོ་བའི་ཁྲ་ཆེན་ཞེས་པའི་དབུ་མེད་ཀྱི་ཡིག་གཟུགས་གཉིས་རིན་མེད་འགྲེམས་སྤེལ་བྱས་འདུག

གནད་ཀྱི་གཟེར་བུས་གསུངས་པ་ལྟར་ན། མདོ་ཁམས་ཁྱུང་པོའི་ཡུལ་དུ་དར་བའི་གལ་འགངས་ཆེ་བའི་གནའ་བོའི་ཡིག་གཟུགས་ཁྱུང་པོའི་ཁྲ་བྲིས་འདི་ཉིད་ནི་རྣམ་པའི་ཆ་ནས་བཤད་ན། ལྟ་བ་མིག་ལ་མཛེས་ཤིང་། ཤ་ལྷུ་རུས་གསུམ། དཀར་ཆ་ནག་གསུམ། ལི་ཁམས་ཟག་གསུམ་སོགས་བྲིས་ཀྱི་ཆ་ཚད་དང་ཁམས་གཙང་མཐོང་བདེ་སོགས་གང་ཅིའི་ཐད་ནས། ཁྱུང་ཡུལ་གྱི་ཡིག་བྲིས་པ་རྒན་གྲས་ལྷན་འཛོམས་ཐོག ཡིག་གཟུགས་ཀྱི་སྐོར་ལ་ཕན་ཚུན་གྲོས་གླེང་དང་བརྟག་དཔྱད་མཛད་མཐར། ཡིག་གཟུགས་འདི་ཉིད་བདམས་ཏེ། སྔོན་གྱི་རིག་གནས་སྲུང་སྐྱོབ་དང་། ད་ལྟའི་དགོས་མཁོ། མ་འོངས་མི་རབས་ཚོ་ལ་རྗེས་བཞག་སོགས་དགོས་དམིགས་དུ་མ་དང་བཅས། དེང་གི་སྤྱི་ཚོགས་དང་བསྟུན་ཏེ། ཡིག་གཟུགས་ཆེ་འབྲིང་ཆུང་གསུམ་གྱི་ལམ་ནས། མ་དངུལ་ཁྲི་ཚོ་བཅུ་ཕྲག་དུ་མ་ཕོང་མེད་དུ་བཏང་ནས། གློག་ཀླད་དུ་པར་རྩ་བསྒྲིགས་ཏེ་མཐོང་བྱེད་དབང་པོའི་སྒོ་ཁར་བཤམས་ཡོད་ཅིང་། དེའི་སྐབས་སུ་རིས་མེད་སྤྱན་ཟུང་ཡངས་ཤིང་དཀའ་ཁག་ལ་ཆ་རྒྱུས་མངའ་བའི་སྤུན་ཟླ་ཡོངས་ཀྱི་དགའ་བསུ་དང་བསྔགས་བརྗོད་ཚད་མཐོའི་གནས་སུ་སླེབས་ཡོད།